LAOAG CITY – Kaykayat pay ni Senate President Pro Tempore Panfilo Lacson a maaddaan ti reenacted budget iti sumaruno a tawen ngem ti idardaras nga aprubaran ti national budget para iti 2026.
Inbatad na a napateg a tutukan a nasayaat dagiti agpanpanday linteg ti sumagmamano a linaon ti P6.793-trillion a budget para iti sumaruno a tawen.
Napateg pay a maipaayan ti ad-ado a panawen ti executive department iti inaprubaran ti kongreso a national budget.
Inkumpara ti senador dagiti naglabas a tawen nga indardaras ti panangipasa ti budget no sadinno nga ado dagiti nakita nga insertions kadagiti flood control projects.
Maipalagip nga immunan nga inbatad ni Executive Secretary Ralph Recto a mabalin nga iti umuna a lawas ti enero 2026 a pirmaan ni Presidente Ferdinand Marcos Jr ti national budget isut gapuna nga agusar paylaeng ti reenacted budget ti gobyerno.
