LAOAG CITY – Napaneknekan a guilty ti dati a Prime Minister ti Malaysia a ni Najib Razak gapu iti state funds scandal.
Daytoy ket kalpasan iti panangabuso ti bileg ken money laundering ti dati a Prime Minister gapu iti maikadua a major trial para iti multi-billion-dollar state funds scandal.
Naakusaran ti agtawen ti 72 a ni Najib gapu iti saan nga husto a panagusar ti agarup 2.3 billion Malaysian ringgit manipud iti nation’s sovereign wealth fund 1Malaysia Development Berhad.
Nakabaluden ti dati a Prime Minister kalpasan a nakumbiktaran daytoy nga addan ti sumagmamano a tawenen ti napalabas iti maysa pay a kaso nga adda ti pakainaiganna iti 1Malaysia Development Berhad.
Mainaig iti daytoy, naruay a tattao ti nagtitipon iti ruar ti korte iti Putrajaya tapno ipakita ti naiget a suportada ken ni Najib.
Naammoan a nasentensiaan ti dati a Prime Minister ti 12 a tawen a pannakaibalud.
Kabayatanna, ti asawa ni Najib a ni Rosmah Mansor ket nasentensiaan ti 10 a tawen a pannakaibalud idi 2022 gapu iti panagpasuksok no sadinno a mabalin daytoy nga agpiyansa kabayatan nga agur-uray ti apela kontra iti pannakakumbiktarna.
