LAOAG CITY – Awan ti napan nangbisita iti kontraktor a ni Sarah Discaya nga agdama a nakabalud iti Lapu-Lapu City Jail gapu iti malversation charges mainaig iti ghost flood control project idi kaaldawan ti paskua.
Daytoy ket basar iti maysa kadagiti abogado ni Discaya a ni Atty. Cornelio Samaniego.
Segun ken ni Samaniego, napan laeng bimmisita ti pamilya ni Discaya, maysa nga aldaw kalpasan ti paskua.
Inlawlawag ti abogado a nagngudo laeng ti quarantine ni Discaya idi Disyembre 26 ken kabayatan ti quarantine period ket awan ti mapalubusan a bisita malaksid kadagiti abogado na.
Innayon na a kalpasan ti quarantine period ket mabalinen ti agawat ti bisita ni Discaya kadagiti aldaw nga schedule ti panagbisita iti pagbaludan.
Mainaig iti daytoy, inpakaammo ni Samaniego nga inpalubos ti Bureau of Jail Management and Penology (BJMP) nga agawat ni Discaya ti makan ken personal items.
