LAOAG CITY – Umabot iti 8 tattao ti natay idinto a 18 a sabsabali pay dagiti nasugatan kalpasan ti napasamak a panagbettak iti maysa a mosque iti ciudad ti Homs idiay Syria.
Basar iti report, naimula ti bomba iti Imam Ali Ibn Abi Taleb mosque tapno puntiryaen na dagiti worshippers a napan nagatendar ti panagkararag.
Mabuya kadagiti video a gapu iti kapigsa ti panagbettak ket nakaro ti perdisyon ti mosque ken nagkaiwarang dagiti debris iti datar.
Iti agdama, agtultuloy ti naiget nga imbestigasyon ken panagkolektar ti ebidensya dagiti otoridad mainaig iti insidente.
Saan pay a nalawag no siasinno ti adda iti likudan ti panagatake iti mosque.
