LAOAG CITY – Nangiruar dagiti otoridad idiay Switzerland ti inisyal a rason ti nagrugian ti dakkel nga uram iti maysa nga ski resort a nakatayan ti 40 nga indibidual ken nakasugatan ti 119 a dadduma pay.
Inbatad ni chief prosecutor Beatrice Pilloud a mabalin a naggapu ti uram iti maysa a champagne sparkles a naiyasideg iti bobeda ti Le Constellation bar iti Crans-Montana.
Nakita ti innem a bote nga adda ti nakasindi nga sparkles a mabalin a naipangato a nangitunda ti napasamak nga uram.
Nakasaritan dagiti otoridad ti agasawa a French nga akinkukua ti bar ken manarimaan ti pannakitinnulongda iti imbestigasion.
Agtultuloy ti imbestigasion dagiti otoridad iti nasao nga uram.
