LAOAG CITY – Ikalkalikagum ti Provincial Assessor’s Office ti pannakaikamakam ti panagaramid ti schedule ti “market value.”
Inlawlawag ni Mrs. Evalaudia Duyor, Provincial Assessor ti Provincial Government a nakaiyataday ti Republic Act No. 12001 wenno ti Real Property Valuation and Assessment Reform Act a kangrunaan a trabaho ti opisinada babaen iti pannakikammayetda kadagiti City/Municipal Assessors Office.
Inbatadna a dagiti City/Municipal Assessors Office ti mangited kadakuada kadagiti datos ken dagitoy ti mangisayangkat ti “computation analysis” ken dadduma pay agingga a mai-finalize.
Kunana a ti “schedule” ti “market value” ti agbalinen nga “standard” a “value” a mausar.
Mainaig iti daytoy, mangnamnama ni Duyor a ti maaramidda ket agbalinton “fair price.”
Inbatadna a puntiriada a mai-finalize daytoy inton bulan ti Pebrero iti agdama a tawen.
Segun kenkuana, apaman a malpas ti “schedule” ti “market value” ita a tawen 2026 ket maiyaplikarton daytoy intono 2027 a kaipapananna a marebisarton dagiti presio nga agparparang iti ”tax declaration.”
Naammoan nga inton tawen 2027 pay laeng a maiyaplikar gapu ta adu pay dagiti pagdalananna kas iti “regional evaluation” ken iti “national evaluation.”
