LAOAG CITY – Agkiddaw ti opisyal a kopya ti naawagan ti “Cabral files” ti House Infrastructure Committee (InfraComm) manipod iti Department of Public Works and Highways (DPWH), mainaig iti imbestigasyon iti maipagarop a korapsyon kadagiti flood control project.
Segun ken ni House Infrastructure Committee co-chair ken Bicol-Saro Partylist Rep. Terry Ridon, pormal da a kiddawen dagiti dokumento iti sumaruno a lawas, iti pammati da nga adda ti bukod a kopya ti Department of Public Works and Highways uray naipasan dagitoy iti Office of the Ombudsman idi Disyembre 23, 2025.
Inlawlawag ti agpanpanday linteg a ti addang ket saan a tapno paglikudan dagiti dokumento nga inparuk-at ni Batangas Rep. Leandro Leviste, no di ket tapno maaddaan ti opisyal ken kumpleto a rekord ti komite, aglalo ket nasuspenso ti panagdengngeg ti House Infrastructure Committee kabayatan nga agim-imbestigar ti habang umiiral ang Independent Commission on Infrastructure (ICI).
Kuna na a no mapukaw ti Independent Commission on Infrastructure ket mabalin a biagen manen ti tri-committee ti imbestigasyon.
Kabayatanna, inpetteng ni Senior Citizens Partylist Rep. Rodolfo Ordanes ti kinapateg a maaddaan ti authentic a kopya dagiti dokumento tapno saan a mausar iti panangperdi iti siasinno man nga agpanpanday linteg, ken naglikudan na ti alegasyon a karaman ti partylist na kadagiti nakaawat ti dakkel a Department of Public Works and Highways budget insertions.
Mainaig iti daytoy, ur-urayen ti Kamara de representantes no agpila ti ethics complaint ti Department of Public Works and Highways kontra ken ni Rep. Leviste, kalpasan ti report a maipagarop nga illegal nga innala ken kinopya na dagiti dokumento ti pimmusay a ni dati a DPWH Undersecretary Catalina Cabral.
