LAOAG CITY – Manamnama a malukatan iti publiko ti Mural Painting iti underpass ti Gilbert Bridge ditoy siudad ti Laoag sakbay wenno kabayatan ti Pamulinawen Festival ditoy siudad.
Segun ken ni Mayor James Bryan Alcid, ti pintor iti nasao a Mural Painting ket dati a nakatrabahoanna.
Inbatadna a ti kangrunaan a makita iti diding iti underpass ket dagiti kultura dagiti Ilokano wenno dagiti pakabigbigan ditoy siudad kas ti bell tower, city hall ken dadduma pay.
Kunana a napintas daytoy gapu ta nayon nga atraksion nangruna ket ti nasao a paset ti maysa kadagiti kangrunaan a pagdaldalyasatan dagiti motorista ken tattao.
Innayonna a maibilang a makaliwliwa gapu iti napintas a pannakaipintana ken mangipakita ti kabibiag dagiti Laoagueño.
