LAOAG CITY – Inrakurak ni Mayor Ralph Conrad Medrano a manarimaan ti pannakaipinal iti panagsagsagana para iti Binakol Festival iti ili ti Sarrat.
Segun kenkuana, naiget ti panangisaganada dagiti amin a magastos kas ti pannakaikabil kadagiti displays ken designs para iti napinpintas a buya ti fiesta.
Inbatadna a nangrugin ti pannakaisayangkat ti Open Inter-Barangay Sports Competition para kadagiti agay-ayam ti basketball ken volleyball.
Inlawlawagna a ti kangrunaan a maiyuswat iti programa ket maibasar kadagiti nagduduma a sektor no ania ti kalikagumda nga aramiden wenno makita iti fiesta gapu ta saanna a kayat nga adda dagiti mapilitan laeng.
Mainaig iti daytoy, maiyataday iti Binakol Ordinance ket adda dagiti maisayangkat a religious sector wenno religious night pakairamanan ti farmers’ day ken youth sector.
Innayonna a mangrugi ti fiesta iti ili ti Sarrat inton Pebrero 21 agingga iti 28.
