LAOAG CITY – Inrakurak ni Police Gen. Jose Melencio C. Nartatez Jr. nga awan ti nalawa a reorganisasion iti Philippine National Police.
Kumpirmado nga agtultultoy ti maipatpatungpal nga anti-crime ken community safety directives nangruna kadagiti kangrunaan nga yunit ti operasion kadagiti dadakkel a krimen, counterterrorism ken internal security.
Inbatadna a normal ti leadership movements iti Philippine National Police gapu iti promotions, retirements wenno operational requirements.
Maipalagip a naited ti uppat a bituen ken ni Police Gen. Nartatez Jr. idi Enero 28, a nangipaay kenkuana ti naan-anay a kontrol iti Philippine National Police kalpasan a nasukatan ni Nicolas Torre III a nagbalin a General Manager ti Metropolitan Manila Development Authority idi Agosto iti napalabas a tawen.
