LAOAG CITY – Simmango iti Lipa City Regional Trial Court dagiti sumagmamano a co-accused ni Atong Ang iti kaso dagiti mapukpukaw a mammallot ken nangipila ti not guilty plea.
Nakasoan dagitoy ti innem a counts ti kidnapping with homicide mainaig iti innem a mapukpukaw a mammallot nga inakusaran ti panagswitik iti AA Cobra Game Farm.
Naammoan a lima a dadduma pay nga akusado ti saan pay nga inpasango ti kasoda kas panangkiddaw kadagiti abugadoda idinto a dagiti dadduma ket nangipilan ti petision para iti piyansa.
Mainaig iti daytoy, adda dagiti kabagian dagiti biktima iti arraignment ken inpeksada ti pungtot iti not guilty plea dagiti suspek.
Naikeddeng ti pre-marking of evidence inton Pebrero 20, ken panagdengngeg iti kaso ket inton Pebrero 27.
Kabayatanna, nagtalinaed nga awan iti kustodiar kadagiti otoridad ti negosiante a ni Atong Ang.
Inrakurak ti Department of the Interior and Local Government a nangipatuloddan dagiti kameng ti ahensiada tapno iberipikar ti report mainaig iti presensia ni Ang idiay Cambodia.
