LAOAG CITY – Adon ti options ni Gilas Pilipinas head coach Tim Cone gapu ta nauneg ti lineup na it panagsubli ti sumagmamano a key players para iti FIBA World Cup Asian Qualifiers.
Karaman ditoy ti iseserrek manen ni Kai Sotto iti Gilas Pilipinas kalpasan ti agarop maysa a tawen a rehabilitasyon na gapu iti ACL injury.
Nakaay-ayamen ni Sotto para iti Koshigaya Alphas iti Japan B.League no sadinno nga inpakita na ti kinalaing na iti ay-ayam.
Malaksid ken ni Sotto ket sumrek metten ni Quentin Millora-Brown a naipaayn ti go signal ti FIBA tapno makaay-ayam kas local player ti Gilas Pilipinas.
Ti iseserrek ni Millora-Brown iti Gilas pool ket dakkel a tulong tapno ad-adda pay a mapapigsa ti tropa para iti naiget a laban a sangwen na iti second window.
Karaman pay a nakastrek da June Mar Fajardo, AJ Edu ken ni Carl Tamayo.
Agserbi dagiti ubbing a players ti Gilas kas masakabyan ti national pool aglalo ket tumataeng metten ni Fajardo a sumagmamano a tawen a tumultulong iti team.
