LAOAG CITY – Nakasagana nga agkandidato ni Senador Robin Padilla a bise presidente ni Vice President Sara Duterte nga immunan a nangideklarar nga agpaidasig a para presidente iti 2028 elections.
Segun ken ni Padilla, agbalin a running mate na ni Vice President Duterte no personal nga ibilin daytoy kenkuana ni dati a Presidente Rodrigo Duterte.
Kunana nga awan ti sabali a mabalin a mangmandar kenkuana malaksid ken ni dati a Presidente Duterte.
Innayon na a nakasagana iti aniaman a posisyon ken inladawan na ti responsbilidad ti bise presidente kas nakatutuk iti advocacy.
