LAOAG CITY – Nagtalinaed nga adda iti nasayaat ti kasasaad ti salun-at ni Pastor Apollo Quiboloy kabayatan nga adda daytoy iti pagbaludan.
Segun iti abugado daytoy a ni Atty. Israelito Torreon, nagatendar idi Biernes ni Quiboloy iti korte para iti panagdengngeg ti kasona a qualified trafficking.
Iti baet a ti nag-testify iti panagdengngeg ket ti prosecution witness ket nagatendar latta ti personal ni Quiboloy.
Mangnamnama ni Torreon nga agbalin a napintas ti resulta ti pakaibanagan ti nasao a kaso.
Maipalagip nga idi Setiembre 2025 idi naitaray iti ospital ni Quiboloy gapu ta marigatan daytoy a makaanges.
Na-diagnosed ni Quiboloy ti Community Acquired Pneumonia no sadinno a nagkiddaw isuna ti hospital arrest ngem nagkedkedan daytoy ti korte.
