LAOAG CITY – Inrakurak ti Israel a basar iti dua a source a pamilyar iti insidente a maipagarup a pimmusayen ni Iranian Supreme Leader Ayatollah Ali Khamenei kalpasan ti naiwayat a panangatake ti Israel ken Estados Unidos idi kalman, aldaw ti Sabado, Pebrero 28.
Basar iti umuna a source, rumrummuar a nakaala ti ladawan ti Israel ti bagi ni Khamenei idinto nga inbatad met ti maikadua a source a maisagsagana ti opisial nga anunsio ti gobierno.
Immuna iti daytoy, kuna ni Israel Prime Minister Benjamin Netanyahu a naruay dagiti senyales a ni Khamenei ket “no longer with us.”
Kabayatanna, naglikudan daytoy ti Iranian Foreign Ministry spokesperson Abbas Araghchi a ti Presidente ken ti Supreme Leader ket “safe and sound.”
Ni Khamenei ti nangsukat ken ni Ayatollah Ruhollah Khomeini, lider ti 1979 Islamic Revolution ken addaan ti maudi a desision kadagiti amin a kangrunaan a pagannurotan iti pagilian.
Indauluanna ti Iran’s clerical establishment ken ti paramilitary Revolutionary Guard a dua a kangrunaan a sentro ti bileg iti theocracy ti Iran.
Nupay kasta, agpapan kadagitoy a gundaway ket saan pay a nakita iti publiko ti lider ti Iran sipod idi nangrugi ti naiwayat a panangatake.
