LAOAG CITY – Plano ni Gov. Cecilia Araneta Marcos a palawaen pay ti scholarship program ti Provincial Government of Ilocos Norte.
Segun kenkuana, kalikagumna nga iraman ti internship program tapno ad-adu pay ti magutigot nga agaplikar.
Inbatadna a ti pagsayaatan ti nasao a programa ket ti panangipaayda ti serbisioda ditoy probinsia nangruna ket problema ti panagkurkurang dagiti medical workers kangrunaanna kadagiti nurse ken doctor.
Kunana a malaksid ti Provincial Government of Ilocos Norte ket adda pay ti Commission on Higher Education a mangipapaay ti scholarship.
Inlawlawagna a manarimaan ti pannakikoordinarda kadagiti doctor to the barrio a mangipaay ti serbisioda kadagiti ospital ditoy probinsia.
Inadmitir ti Gobernador nga ad-adu dagiti magutgutigoten a mapan iti ballasiw taaw ken pagbalbalinenda nga stepping stone ti panagserrek kadagiti ospital ditoy probinsia.
