LAOAG CITY – Agin-inot iti panagusar ti enerhia.
Daytoy ti inrakurak ni Presidente Ferdinand Marcos Jr.
Segun kenkuana, agbiruk ti wagas tapno makissayan ti panagusar kadagiti amin a sources ti enerhia.
Inbatadna a nupay umanay ti suplay ti langis iti agdama ket nasken latta daytoy nga aramiden tapno makissayan ti bayadan gapu ta ngumato ti presio dagiti produkto a petrolyo.
Inallukoy pay ni Marcos ti publiko nga agusar ti pampubliko a transportasion idinto a dagiti pribado a lugan ket nasken a mapno dagiti aglugan ken saan laeng a maymaysa a tao ti agus-usar.
