LAOAG CITY – Pormalen a naipatugaw ni Mr. Cipriano βPerryβ Martinez kas General Manager ti Ilocos Norte Electric Cooperative.
Karaman kadagiti nagatendar iti Installation Ceremony ket da Governor Cecilia Araneta-Marcos, sumagmamano a kameng ti Sang Panlalawigan ken local chief executives iti maikadwa a distrito ditoy probinsya ken dagiti empleado ti kooperatiba.
Iti panagbitla ni Governor Marcos, inbatad na a maipanakkel na unay ni Martinez gapu ta napaneknekanen ti kinapintas ti panangiwanwan ken panangidaulo na iti Ilocos Norte Electric Cooperative.
Kuna pay ti gobernador nga agtalek nga addan iti nasayaat nga ima ti kooperatiba iti naan-anay a pannakadutuk ni Martinez kas General Manager.
Mainaig iti daytoy, nagyaman met ni Martinez iti naipaay kenkuana a talek ken ti naan-anayen a pannakadutuk na kas General Manager ti Ilocos Norte Electric Cooperative.
Inkari na a saan a saanna a baliwan ti napintas a serbisyo na no di ket ad-adda pay a pasayaaten na tapno agtalinaed ti panagtalek dagiti umili iti kooperatiba.
Kabayatanna, inpakaammo ni Martinez nga agsublin iti trabaho dagiti nasuspenso nga empleado ti Ilocos Norte Electric Cooperative ti kallabes kalpasan a nakasarita na dagitoy ken mamati a rumbeng laeng a maipaayan dagiti maseknan ti maikadwa a gundaway.
Nupay kasta, kuna ni Martinez a saanen a dati a trabaho dagiti maseknan ti sublianan da no di ket maiyakar dagitoy iti sabali a departamento.
