LAOAG CITY – Agtultuloy ti nagduduma nga aktibidad ken programa ti Public Employment Service Office ditoy siudad ti Laoag.
Segun ken ni Mrs. Shey Pia Abaya, mangidadaulo iti nasao nga opisina, manamnama ti pannakairugi ti Special Program Employment of the Students wenno SPES, job fair ken ti pannakaitultuloy iti panagisubmitir iti Public Employment Services Form ken dadduma pay.
Malaksid iti daytoy, kunana nga adda pay ti planoda a pannakaaramid ti livelihood program a makibinnuligda iti City Agriculture Office ditoy siudad ti Laoag.
Inbatadna a kalpasan ti Regional Congress-da ket adu dagiti naplanoda para kadagiti umili ditoy siudad.
Innayonna a babaen kadagitoy nga addang nga ar-aramidenda ket ad-adda a makaited ti pakanam-ayan ti tunggal Laoageño.
