LAOAG CITY – Umaboten iti sumurok 2,000 nga indibidual pakairamanan dagiti sibilian ken military personnel ti natay gapu iti gubat idiay Iran.
Karaman ditoy ti innem nga United States military a crew member ti refueling aircraft a pimmusay kalpasan a nagsuek ti naglugananda nga eroplano idiay Iraq.
Nupay kasta, basar iti datos ti Human Rights Activists News Agency (HRANA) a nasursurok pay ti nasao a bilang dagiti natay.
Mamati ni United States President Donald Trump nga apagapaman a tultulungan ti Russia ti Iran.
Inbatadna nga ar-aramiden daytoy ti Russia gapu ta tumultulongda iti Ukraine.
Immunan a naglikudan ti Russia ti alegasion a mangipapaayda ti intelligence report iti Iran.
