LAOAG CITY – Inpakaammo ni Dr. Rodrigo Catcatan, ti mangidadaulo iti City Health office ditoy ciudad ti Laoag nga awan pay ti nairekord iti opisina da a positibo iti Human Immunodeficiency Virus ditoy ciudad ita a tawen.
Kunana a ti naudi langen a pannakairekord da ti kaso ket idi Enero agingga iti Hunyo 2025 nga immabot iti 13.
Nupay kasta, inbatad na nga agtultuloy latta iti information dessemination da mainaig iti nasao a sakit.
Mainaig iti daytoy, kunana a dagiti nairekord a kaso iti nasao a sakit iti napalabas a tawenk ket insigida a naiyendorsar iti Mariano Marcos Memorial Hospital and Medical Center iti ciudad ti Batac para iti naan-anay a pannakataming wenno monitor da.
Kabayatanna, kuna ni Catcatan a kasapolan iti panagan-annad no makinaig ken agusar ti contraceptive tapno maliklikan a maaddan iti Human Immunodeficiency Virus.
