LAOAG CITY – Inpasingked ti Department of Foreign Affairs nga awan ti Pilipino a nadangran iti mapaspasamak a riribuk idiay Lebanon.
Segun iti DFA, adda ti 14,000 a Pilipino dagiti agnanaed ken agtrabtrabaho iti nasao a pagilian.
Nagpanawagan ti Pilipinas iti amin a partido a karaman iti riribuk nga ipatungpalda ti ceasefire kas naipalaon iti United Nations Security Council Resolution 1701.
Gutgutiguten pay ti DFA dagiti partido a sumurot iti international humanitarian law tapno maprotehiran dagiti sibilian, UN personnel, ken dagiti humanitarian, health, ken media worker.
