LAOAG CITY – Inpakaammo ni Mrs. Janet Retamal, ti mangidadaulo iti Commission on Population ditoy ciudad ti Laoag a saan laeng a sexual awareness iti ipapaadal da kadagiti agtutubo no dikat pakairamanan iti self-defence wenno no kasanu a masalakniban ti bukod a bagi.
Segun kenkuana, kaduada ti Philippine National Police ken dadduma pay nga ahensia ti gobierno a mangipaadal no kasano a salakniban ti bagi.
Kunana nga adda dagiti gundaway a dagiti teenage mother wenno ubbing nga ina ket saan da a nagayatan ti panagsikog da ti nasapa.
Inbatad na a napateg dagitoy a maamoan wenno masursuro da tapno mailaban da ti karbengan da.
Mainaig iti daytoy, kuna ni Retamal nga agtultuloy iti information dissemination campaign da maipanggep iti sexual awareness kadagiti pambuliko ken pribado a pagadalan, pakairaman iti komunidad.
Innayon na a babaen iti daytoy nga addang ket maipaadal kadagiti agtutubo no kasanu da a salwadan, disiplinaan ken respetaren ti bukod da a bagi.
