LAOAG CITY – Pormalen a nalukatan ti Shrimp Farm ti GLEDCO Multi-Purpose Cooperative iti Barangay 61, Cataban ditoy siudad ti Laoag.
Inrepresentar ni City Agriculturist Engr. Sheila Marie Opelac ni Mayor James Bryan Alcid iti nasao nga aktibidad.
Aglawa ti tallo nga ektaria ti state-of-the art shrimp farm ken manamnama a makapartuat ti ginasgasut a tonelada ti shrimp ti tinawen.
Partner ti GLEDCO ti Charoen Pokphand Foods (CPF), maysa kadagiti kadakkelan a shrimp producers iti pagilian a supplier ken mangipapaay ti technical assistance.
Dakkel a tulong para ti naan-anay a supply ti taraon iti siudad ken kasta metten ti pagsapulan dagiti Laoageños.
Itantandudo ti gobierno siudad dagiti pamataudan ti taraon para iti naprog-progseso a Laoag.
