LAOAG CITY – Inlungalong ni Senador Erwin Tulfo ti panangipaay ti ayuda manipud iti gobierno saan laeng para kadagiti karirigatan a sektor ti komunidad no diket para iti amin a minimum wage earner iti pagilian iti baet ti kumarkaro a global oil crisis.
Iti panagdengngeg mainaig iti gakat ti amendments iti Pantawid Pamilyang Pilipino Program (4Ps) Act, livelihood programs ken maipatpatungpal a pundo kas sungbat iti krisis iti Middle East conflict, kalikagum nga iraman ni Tulfo ti minimum wage earners iti panangipaay ti ayuda.
Kuna ni Tulfo a mabalin a saan nga agtultuloy ti ayuda ngem nasken a saan laeng a nakatutok kadagiti sumagmamano a sektor kas ti transport, agrikultura ken 4Ps beneficiaries idinto a maliplipatan dagiti kahera, janitor ken security guards.
