LAOAG CITY – Maproblemaan ti Local Government Unit iti ili ti San Nicolas no apay a bimmassit dagiti enrollees ti Day Care.
Segun ken ni Vice Mayor Napoleon Hernando, naobserbaran daytoy dagiti konsehal kabayatan ti graduation ceremony.
Gapu iti daytoy, inbatadna a pinaayabanda ti Municipal Social Welfare and Development Officer tapno ilawlawag daytoy a banag.
Kabayatanna, inpakaammo ni Mr. Dennis Villa ti Municipal Social Welfare and Development Office iti ili ti San Nicolas ti rason no apay a bimmassit dagiti enrollees.
Inlawlawagna a saanda a makontrol ti bilangna gapu ta bassit met dagiti ubbing iti kada barangay.
Innayonna pay nga adda ti family planning program ti Social welfare nga isu ti patienda no apay a bassit ti bilang dagiti ubbing.
