LAOAG CITY – Mabalin a maibilang kas election offense no mapaneknekan a pudno ti alegasyon a pinondoan ti Chinese nationals a konektado iti Pharmally ti kampanya ni Vice President Sara Duterte idi 2022.
Daytoy ti inpetteng ni Manila Representative Joel Chua.
Iti maysa nga statement, inbatad ti agpanpanday linteg a no mapaneknek a gangannaet dagiti timmulong iti kampany ti bise presidente, nalawag nga adda ti isyu ti napatunayang dayuhan ang mga nag-ambag sa culpable violation ti Konstitusyon.
Possible a daytoy ket election offense, gapu ta adda ti distribusyon a napasamak isut gapuna a kasapulan a maamoan no dagiti karaman iti daytoy ket Chinese nationals.
Innayon na a no mapaneknekan a dagitoy ket gangannaet ken saan a Pilipino, nalawag a panaglabsing daytoy iti election code.
Inlawlawag ni Chua nga iti babaen ti Omnibus Election Code, maipawil dagiti gangannaet a tumulong iti campaign expenditures ti maysa a kandidato.
Kabayatanna, nailanad met iti Section 29, a maipawil para kadagiti kandidato ken partido ti ag-solicit wenno agawat ti nasao a kontribusyon, direkta man wenno saan.
Inrakurak daytoy ti kongresista kalpasan nga inbutaktak ni Ramil Madriaga iti supplemental affidavit na a maipagarop a timmulong ti Chinese national ken financial officer ti Pharmally Pharmaceuticals a ni Lin Wei Xiong a nangpondo ti kampanya ni Vice President Duterte idi 2022.
