LAOAG CITY – Inlawlawag ni National Bureau of Investigation (NBI) Director Atty. Melvin Matibag nga awan ti pakainaigan ti pannakaarestar ni dati nga Ako Bicol Partylist Representative Elizaldy Co iti International Criminal Police Organization (Interpol) red notice.
Inlawlawag ni Matibag a naarestar ti nagikkat a kongresista gapu iti immigration violation.
Inrakurak met ni Matibag a nakasagana ti National Bureau of Investigation no maibilin a mai-repatriate ni Co ditoy Pilipinas manipod iti Czech Republic.
Iti agdama, kuna Director Matibag a naiget a makikoordinar ti gobierno ti Pilipinas iti Czech Republic government tapno masigurado nga amin a legal a proseso ket masurot ket tapno maareglo ti panagsubli na iti pagilian iti kabiitan a panawen.
Immunan a kinumpirmaran ni Department of the Interior and Local Government (DILG) Secretary Jonvic Remulla nga agdama a nakadetine iti immigration detention facility ni Co ken possible a maisubli ditoy pagilian iti uneg ti maysa a lawas agingga iti maysa a bolan.
