LAOAG CITY – Mangnamnama ni Senador Erwin Tulfo nga iti panagsubli ditoy pagilian ni dati a Congressman Zaldy Co ket malpasen ti imbestigasion ti Senado ken makasoan dagiti karaman.
Daytoy ket tapno matutukan metten ti gobierno ti dadduma pay a nadadagsen a problema ti pagilian nangruna ket adda ti tension latta iti Middle East.
Inpetteng ni Tulfo a kabayatan a prioridad ti gobierno ti panangsolbar iti krisis, responsibilidad pay ti gobierno a singiren dagiti adda iti likudan iti maanomalya a flood control projects.
Mainaig iti daytoy, nupay ammo ti Senador a nasken nga unaen ti epekto ti gubat iti Middle East partikular iti agtultuloy a panagngato iti presio ti langis, nasken a saan a lipaten dagiti pudno a karaman iti saan nga umno a panagusar ti flood control funds.
Inpettengna ti panangidatag ti konkreto a plano para iti mapaspasaran a krisis iti enerhia idinto a kagiddan ti panangsolbar ti nagbalin a problema iti flood control projects.
