LAOAG CITY – 22 a mannalon ti nagturpos ti Farmers Field School on Corn Production cum Climate Smart Corn Growing Practices a nangrugi idi December 2025 agingga iti April 2026 ditoy siudad ti Laoag.
Naisuro kadagitoy dagiti kabaruanan a teknolohia iti panagtalon babaen ti Department of Agriculture-Region 1, Provincial Agriculture-Ilocos Norte ken City Agriculture Office-Laoag ken ti suporta ti kompania a Syngenta Philippines.
Malaksid iti pagay, kangrunaan a produkto dagiti mannalon ket ti mais a dakkel a tulong a nayon ti produksion ken pagsapulanda.
Nakita ti kinapintas ti produksion babaen ti 100 HA Model Corn Cluster Techno Demo Field Farm iti Barangay 39 Santa Rosa.
Agtultuloy ti suporta ti gobierno ti siudad babaen iti administrasion ni Mayor James Bryan Alcid ti benneg ti agrikultura.
Kinunana a kasapulan a maikkanda ti naan-anay nga adal, eksperiensia ken teknolohia tapno pumintas ken umado ti apit dagitoy.
