LAOAG CITY – Ngimmato iti puesto ti Filipina tennis star a ni Alex Eala iti baro a rankings ti Women’s Tennis Association kalpasan ti kampaniana iti Madrid Open.
Manipud iti No. 44 ket ngimmato ni Eala iti maika-42 a puesto iti singles rankings kalpasan a nakastrek iti second round ti torneo no sadinno a nakanayon iti 35 puntos para iti pakabuklan a 1,285 a puntos.
Iti kampaniana, inabak ni Eala ni Anastasia Pavlyuchenkova iti first round iti score a 6-3, 6-3 sakbay a naabak ken ni Elise Mertens iti second round iti score a 2-6, 1-6.
Iti doubles, nakikadua ni Eala ken ni Zeynep Sonmez no sadinno nga immabot isuda ti second round.
Inabakda da Chan Hao-ching ken Fanny Stollar iti first round iti score a 6-2, 6-2.
