LAOAG CITY – Mangelektar ti kamara de representantes ti 11 a miyembro na nga agserbi kas public prosecutors iti possible nga impeachment trial ni Vice President Sara Duterte.
Mabalin a kiddawen ti tulong ti private prosecutors tapno mairaman iti House public prosecutors para iti impeachment trial.
Immunan nga opisyal a nai-refer iti House Committee on Rules ti committee report iti articles of impeachment kontra iti Bise Presidente.
Ti nasao a komite ti mangikeddeng ti schedule para iti plenary debate ken panagbotos.
Agkasapulan ti one-third a botos wenno 106 ti amin a 318 House members tapno ma-impeach ti bise presidente.
Iti kanito magun-od ti kasapulan a botos, maipatuluden ti articles of impeachment iti Senado, no sadinno a dagus nga ag-convene kas impeachment court kas maiyataday iti Konstitusyon.
