LAOAG CITY – Nangiparuk-at ti Bureau of Internal Revenue (BIR) ti Revenue Memorandum Circular No. 38-2026 a mangikeddeng ti panagusar ken obligado a panagikabil ti BIR Registration Seal Badge para kadagiti negosyo a makapaspastrek iti online platforms.
Sakopen ti pagannurutan dagiti online seller, freelancer, propesyonal, vlogger, influencer ken dadduma pay nga indibidwal a makapaspastrek iti digital economy.
Imbes nga ipaskil ti sibubukel a Certificate of Registration (COR), ti badge nga addaan ti QR Code manipod iti Online Registration and Update System (ORUS) ti rumbeng nga ipakita tapno maprotehiran ti sensitibo nga impormasyon kas ti TIN ken business address.
Libre ti panagala ti badge ken mabalin a maala iti online owenn iti Revenue District Office, ngem adda ti P30.00 Documentary Stamp Tax para kadagiti ag-update ti rehistro na iti online.
