LAOAG CITY – Inbatad ti aktres a ni Mikee Quintos a nabirukan nan ti “closure” a sapsapulen na kalpasan ti panagsina da ken ni Paul Salas iti napalabas a tawen.
Iti episode ti “Fast Talk With Boy Abunda”, inburay ti Sparkle star a nakita na ti dati a nobyo na iti Bida sa Arena celebrity basketball game iti napalabas a lawas.
Kinumpirmaran na met a naaddaan da ti gundaway a nagsarita iti bachelor party ni Mikoy Morales idi Pebrero ita a tawen.
Inadmitir ni Mikee a nasakit paylaeng kenkuana ti panagsina da ken ni Paul ngem nalaglag-anen ti rikna na iti naudi a panagsarita da iti aktor.
Inpasingked ni Mikee a nasayaaten ti kasasaad na iti agdama, nga isu ti patien na a nagbalin a naurnus ti panagsarita da ken ni Paul a daytoy ti sapsapulen na a closure iti panagsina da.
