LAOAG CITY – Nagsubli manen iti panagsanay ti Filipina star a ni Alex Eala iti clay courts ti Foro Italico maysa nga aldaw kalpasan ti dramatic three-set comeback victory-na kontra ken ni Magdalena Fręch iti Italian Open.
Nag-training ti agtawen ti 20 iti Court 7 kaduana dagiti coaches-na iti Rafa Nadal Academy nga isuda Joan Bosch ken Lluc Bauza.
Nagpaut ti agarup maysa nga oras ti panagsanayna no sadinno a nagpokus isuna iti service ken returns, dagiti aspeto a nagbalin a tulbek iti panagballigi kontra ken ni Fręch.
Inarak dagiti agbuybuya ti aglawlaw ti court kabayatan a dumaldalan iti panagsanay ni Eala nga alisto a maysa kadagiti nagbalin a nalatak nga umaayam iti torneo ita a lawas.
