Agtultuloy ti babassit a panagalburoto iti Mayon Volcano idiay Albay iti maika-125 nga agsasaruno nga aldaw.
Iti maysa nga advisory, nangiruar ti Philippine Institute of Volcanology and Seismology (Phivolcs) iti close-up footage ti minor Strombolian activity wenno apagbiit a babassit a panagalburoto iti summit crater.
Kinuna ni Phivolcs nga agtalinaed nga aktibo ti panagbettak ti bulkan, a mangpataud kadagiti pyroclastic density currents (PDCs), a pagaammo iti lugarda kas uson, agraman ti masansan a panagtinnag ti bato.
Ti PDC ket dagiti napardas nga ayus ti napudot a volcano gas, dapo ken dagiti ashfall manipud iti bulkan bayat ti maysa nga aktibidad ti panagalburoto.
Maibasar iti kaudian a 24-oras a monitoring bulletin ti Philvocs, agtultuloy nga agayus ti lava ti Bulkan Mayon.
