Simmangpeten ditoy pagilian ti baro nga offshore patrol vessel ti Philippine Navy, ti future a BRP Rajah Lakandula.
Inbatad ti Philippine Navy kabayatan a naangay ti seremonia ti isasangpet ti barko iti Naval Operating Base Subic idi Mayo 8.
Ti BRP Lakandula ket inaramid ti HD Hyundai Heavy Industries idiay Ulsan, South Korea ken simmangpet ditoy pagilian idi Mayo 4 kas paset ti agtultuloy a capacity building ti Philippine Navy.
Iti panagbitlana, kinuna ni Philippine Navy Vice Admiral Caesar Bernard Valencia a ti barko ket mangi-simbolo iti kinatibker ken kinatured ni Rajah Lakandula, ti dati a lider ti Tondo idi panawen sakbay ti kolonial.
Innayon ti Philippine Navy a makatulong ti baro a barko a mangpapigsa iti maritime security operations ken mangituloy iti natibker a presensia ti hukbong dagat iti territorial sea ti pagilian.
