LAOAG CITY – Naarestar ti maysa a lalaki a naasawaan babaen ti naidasar a warrant of arrest mainaig ti kaso nga Acts of Lasciviousness.
Daytoy ket agtawen 59, naasawaan, ken residente ti Rizal Street Barangay Lacub iti siudad ti Batac.
Ti biktima ket maysa a babai, addaan ti legal a tawen, ken residente ditoy siudad ti Laoag.
Basar iti Municipal Police Station (MPS) San Nicolas, naarestar daytoy babaen ti nagbibinnuligan ti San Nicolas Municipal Police Station kas lead operating unit, Regional Intelligence Unit (RIU), Regional Intelligence Division (RID-PRO1), Provincial Intelligence Unit (PIU), ken dagiti nagduduma pay nga ahensia.
Mainaig iti daytoy, nairekomendar ti balor ₱36,000 a piansa para iti temporario a pannakawaya-waya na.
Apaman iti pannakaarestar na, naamoan a dagos a nagpiansa ti suspek a rason ti pannakaipaay ti temporario a pannakawaya-waya na.






