LAOAG CITY – Inrakurak ni Interior and Local Government Secretary Jonvic Remulla a nangiparuk-aten ti Interpol ti Red Notice kontra kda dati a Bureau of Corrections chief Gerald Bantag ken dati a pulis a ni Rafael Dumlao III, kas paset ti agtultuloy a panangbirbiruk kadakuada mainaig iti sangsangwen da a nadadagsen a kaso.
Karaman met kadagiti nainaganan ti negosyante a ni Atong Ang, idinto a ti naisina a kiddaw para iti Red Notice kontra ken ni dati nga Ako Bicol Party-list Rep. Zaldy Co ket naipasan ngem adda pay laeng iti proseso ti panangaprubar ti Interpol.
Inlawlawag ni Remulla a kumpleton dagiti kasapulan a dokumento para ken ni Co, ngem manarimaan paylaeng ti panangrebisar ti nternational police body ti aplikasyon.
Ti Red Notice ket saan a warrant of arrest no di ket pormal a kiddaw kadagiti law enforcement iti intero a lubong a biruken ken temporaryo nga arestaren ti maysa nga indibidwal kabayatan nga iyur-uray ti extradition wenno maiyannatop a legal a proseso.
