LAOAG CITY – Nabukel ti maysa a ‘special panel of prosecutors’ babaen ti Department of Justice (DOJ) tapno idauloan ti imbestigasion mainaig iti pammaltog a napasamak iti Senado.
Inbatad ni Justice Secretary Fredderick Vida, a kasapulan iti special panel para iti komprehensibo a case-buildup investigation tapno mausig ken ma-imbestigaran a nasayaat ti napasamak iti uneg wenno aglawlaw iti Senado.
Segun kenkuana, mapalubosan dagiti grupo a maikkan ti otoridad ken turay tapno ag-isiyu ti subpoena ken dadduma pay no kasapulan.
Gapu iti daytoy, kiniddaw ni Justice Sec. Vida kadagiti law enforcement agencies nga isubmitir ti ebidensia nga iggemda wenno naalada a napasamak iti Senado.
Partikular a kiniddawna ti Philippine National Police-Scene of Crime Operatives, National Capital Regional Police Office, Pasay City Police Station ken National Bureau of Investigation tapno makitinnulong iti imbestigasion.
Dagitoy nga ahensia ket naikkan iti las-ud a 48 nga oras tapno isubmitir dagiti ebidensia a mainaig kadagiti napasamak idiay Senado.
Malaksid kadagitoy nga ahensia, kiniddawna pay ti Department of Justice ang Office of the Senate Sergeant-at-Arms iti babaen ti opisina ni Senate President Alan Peter Cayetano nga isubmitir dagiti rakukda iti insdente.
Karaman ditoyen ti panag-turn-over dagiti ebidensia kas kuma ti CCTV footages, ballistic and paraffin examination results, deployment records, communication logs, incident reports, witness statements ken nagduduma pay.
Innayonna pay a ginutigot dagiti publiko ken miembro dagiti media a makikoordinar iti special panel of prosecutors no adda iggemda nga ebidensia.
