LAOAG CITY – Inkari ni Presidente Ferdinand Marcos Jr. a manayonan pay ti pundo para iti Socio-Civic Projects Fund (SCPF) inton 2027 no agbalin a naballigi ti panangipatungpal ti programa.
Inaramid ti Presidente ti rakurak iti naisayangkat a turnover ti Socio-Civic Projects Fund Financial Assistance idiay Tuguegarao City.
Inbatad ni Presidente Marcos a no agbalin a naurnos ti panagpataray ti programa ken ad-adu a lugar ti mabenepisiaran, sigurado a dumakkel pay ti ilatang a pundo para iti daytoy inton sumaruno a tawen.
Sinabi rin ng Pangulo na patuloy na handang tumulong at makinig ang pamahalaan sa mga hinaing at pangangailangan ng mamamayan.
Kagiddan daytoy, inallukoyna dagiti presidential scholars idiay Cagayan nga ipasnekda ti panagadalda tapno makatulong saan laeng iti pamiliada mo diket para pay iti komunidad ken iti pagilian.
Inpetteng ti Presidente a napateg a maisagana dagiti agtutubo a Pilipino para iti masakbayan ken iti panagserbi iti pagilian.
Iti naisayangkat a seremonia, immawat ti sag-P200,000 ti tunggal maysa iti 820 a barangay idiay Cagayan iti babaen ti Provincial Governor, Mayor ti Tuguegarao City ken dagiti opisial ti Association of Barangay Captains (ABC).
