LAOAG CITY – Nadutukan ni Australian lawyer Kate Gibson kas baro nga associate counsel ni dati a Presidente Rodrigo Duterte iti International Criminal Court (ICC).
Ni Gibson, a simmangon kadagiti nagduduma nga international courts ken tribunals, ket pinili ti baro a lead defense counsel ni Duterte a ni Peter Haynes nga agbalin a paset ti defense team, maibasar iti International Criminal Court Registry filing.
Naamoan a pormal nga inawat ni Gibson ti baro a trabaho na idi Mayo 18, 2026.
Nagkatrabaho da Gibson ken Haynes iti kaso iti International Criminal Court kontr ken ni Congolese politician Jean-Pierre Bemba, a naabswelto iti apela na idi 2018.
Nadutukan pay kas associate counsel a nangibagi iti interests ni Ugandan militant Joseph Kony kabayatan dagiti confirmation hearing na, a naangay nga awan isuna iti napalabas a tawen.
Ti dati a presidente ti Association of Defense Counsel Practicing ket simmango payen kadagiti dadduma nga international tribunals, kas ti Special Court for Sierra Leone, UN Residual Mechanism for Criminal Tribunals, UN International Criminal Tribunal for Rwanda, ken ti Kosovo Specialist Chambers.
Nagserbi pay ni Gibson kas legal consultant iti International Fact-Finding Mission idiay Myanmar ken agdama a mangibagi iti sumagmamano a Rohingya victims, kas maibasar iti profile na iti website ti United Kingdom-based Doughty Street Chambers, no sadinno a daytoy ket maysa nga associate.
