LAOAG CITY – Nagpanawagan ti China iti Estados Unidos nga isardeng ti panangus-usar ti “coercion” ken panagpangpangta kontra iti kaalyado na a Cuba.
Inaramid daytoy ni Chinese foreign ministry spokesman Guo Jiakun kalpasan a kinasoan ti Washington ni dati a Cuban President Raúl Castro iti murder.
Inakusaran ti maysa a korte iti Amerika ti agtawen ti 94 a dati a presidente ti panagkukunsabo tapno papatayen dagiti amerikano mainaig iti panagswek ti dua nga eroplano idi 1996, ti aksidente a nakatayan ti uppat nga indibidual ken nangrubrub ti diplomatic tensions iti nagbaetan ti Washington ken ti Caribbean island.
Namin-ado metten a daras a nangipaay ti pressure ni US President Donald Trump iti Cuba.
Mainaig iti daytoy, inpetteng ti Chinese foreign ministry spokesman a masapol nga isardeng ti Estados Unidos ti panagpangta ti pwersa gapu ta ti Beijing ket naiget t panangsuporta na iti Cuba.
Immuna iti daytoy, nakasoan ni Castro kadwa na ti lima a sabsabali pay a nairaman iti pannakapaltog a nangitunda ti panagswek ti dua nga eroplano nga agbibiyahe iti nagbaetn ti Cuba ken Florida, addan tallo a dekada ti napalabas, no sadinno a ti pannusa ket tungpal biag a pannakaibalud wenno pannakatay.
Naamoan nga idi napasamak ti insidente, ni Castro a nagikkat iti pwesto idi 2018 ket isuna ti mangidadaulo ti armed forces ti Cuba.
