LAOAG CITY – Pinalubosan ti International Criminal Court (ICC) ni dati a Presidente Rodrigo Duterte a saan nga agatendar iti umuna a status conference ti kasona inton Mayo 27 iti The Hague, kalpsan nga inbatad ti depensana a kayatna nga i-waive ti karebbenganna a sumango.
Inbatad ti International Criminal Court (ICC) Trial Chaber III nga inaprobaranda ti kiddaw ti depensa a saan nga agatendar ni Duterte iti nasao nga panagdengngeg.
Segun ti International Criminal Court (ICC), inpetteng ti depensa nga obligasion laeng ti akusado a sumango iti mismo a trial ken saan nga iti stus conferences-na. Nupay kasta, inbatad ti korte nga agisubmitir ti depensa sakbay ti Mayo 25 ti personal a pinirmaan a waiver ni Duterte.
Iti status conference, matalantan dagiti panagsagana para iti trial, karaman ti petsa ti pannakarugi ti pannakausig, bilang dagiti testigo, ebidensia, witness protection, disclosure obligations, victims’ participation, ken agduduma pay a pakasaritaan a masapul a solbaren sakbay ti trial.
