LAOAG CITY – Inpanagetget ni Philippine National Police (PNP) chief Gen. Melencio Naratez Jr. nga awan ti special treatment ni Senador Ronald dela Rosa iti baet ti International Criminal Court (ICC) arrest warrant.
Daytoy ti inbatad ti PNP Chief iti baet ti mainaig a mabalin a nalukay ti sumagmamano nga opisial iti dati national police chief gapu iti nabayagen a serbisiona iti organisasion.
Segun ti heneral a kabayatan a respetuen pay laeng ti institusion ti dati a hepe ti PNP, inpanamnama ni Nartatez iti publiko nga awan ti espesial a pannakatrato ni dela Rosa.
Kinunana nga ipatungpal dagiti tattaona ti amin a lehitimo a direktiba iti propesional, saan a mangidumduma ken nalawag a wagas. Manamnama met nga ipatungpal dagiti amin nga opisial ti PNP ti standard operating procedures nga awan ti panagbuteng wenno pabor.
