LAOAG CITY – Inbatad ni Mayor Jams Bryan Alcid nga in-inoten ti City Government of Laoag nga ikkan ti street lights amin a kangrunaan a dalan ditoy siudad ti Laoag iti las-ud ti tallo a tawen a panagtakem na kas Mayor.
Kunana a saan a kaya ti maminpinsan a maikkan ti pundo ti pannakapapintas ti walkable sidewalk ditoy siudad ti Laoag gapu ta adda pay dagiti dadduma a rumbeng a maikkan ti pundo kas iti social services.
Segun ken ni Alcid a ti umuna a maaramid ket ti pannaka-pasilaw dagiti sidewalks ket maikkanti pundo daytoy ti section by section iti tunggal tawen.
Innayonna nga kalpasan ti pannakagun-od ti pannakasilaw ket marugian ton ti pannakapapintas dagiti sidewalk tapno magun-od ti walkable sidewalk ditoy siudad.
