LAOAG CITY – Agtultuloy a kumarkaro ti panagwaras ti Bundibugyo virus disease (BVD) idiay Democratic Republic of the Congo ken Uganda.
Manipud idi Mayo 27, addan 906 a maipagarup a kaso ken 223 ti natay idiay Congo.
Manipud idi Mayo 29, nakumpirmaan ti 134 a kaso ti nairekord, agraman ti 9 idiay Uganda, ken 18 ti nakumpirmaan a pimmusay.
Karaman ditoy ti kaso manipud iti Estados Unidos a maag-agasan ita idiay Germany.
Marigatan dagiti otoridad iti contact tracing, isolation, ken referral.
Iti agdama, ipatpatungpal dagiti national authority ken WHO dagiti addang kas iti rapid response teams, medical supplies, surveillance, ken community engagement.
