LAOAG CITY – Immuna ni Liza Soberano iti Top 10 Most Beautiful Filipino Actresses ti Internet Movie Database.
Maikadua ni Marian Rivera, maikatlo ni Kathryn Bernardo, adda iti maikapat ni Nadine Lustre ken maikalima ti Dyosa ti showbiz a ni Anne Curtis idinto a maikanem iti listaan ti 10 a kapipintasan a Pinay actresses ti Chinita Princess a ni Kim Chiu.
Saan a nalawag ti criteria kadagiti netizens no kasano a pinili ti A-lister actresses tapno mairaman ti Top 10 list ti kapipintasan nga aktres.
Ti Internet Movie Database ket maysa nga online database information nga adda ti pakainaiganna iti films, television series, podcasts, video games ken streaming content online.
Makikita pay ditoy ti cast, production crew and biographies, plot summaries, trivia, ratings ken fan and critical reviews.
