LAOAG CITY – Naarestar dagiti pulis ti maysa nga agtawen 28 a Chinese national kalpasan a nasugatan ti maysa a court sheriff iti uneg ti maysa a bar idiay Malate, Manila.
Segun iti inisial nga imbestigasion, ti agtawen 57 court sheriff ket madamana a selselebraran iti panagkasangayna a kaduana dagiti gagayyemna iti uneg ti establisimiento iti igid ti M.H. Del Pilar Street, suli ti Salas Street.
Kabayatan ti panagturongna iti restroom, mapapati a nasabatna ti Chinese national ken ti padana nga Insik a lalaki a kaduana iti maysa a pasilio.
Segun iti pulis, naserraan ti dalana isut gapu na a dinanog ti suspek ti biktima iti mugingma nga awan ti umiso a rason.
Segun kadagiti otoridad, addan ti kaso iti General Assignment and Investigation Section ti Manila Police District para iti kanayonan nga imbestigasion, kangrunaan ta maysa kadagiti nairaman ket maysa a dayo.
Mainaig iti daytoy, mabalin a sumango ti suspek iti kaso a physical injuries.
