LAOAG CITY – Inawagan ni Palace Press Officer Claire Castro a basura ti rebelasyon ti 18 a dati a bodyguards.
Inbatad ni Castro a saan a tumakder iti korte ti testimonya ti 18 a dati a bodyguards ni dati Cong. Zaldy Co maipanggep iti panagdeliber dagiti maleta a naglaon ti kwarta.
Reaksyon daytoy ti Malakanyang iti baet dagiti ado a panangdillaw iti inconsistencies kadagiti rakurak ti “18 maleta boys”.
Segun ken ni Castro, dagiti kastoy ti klase na nga statement nga agbaliw-baliw ket saan a pumasa iti naiget a panangadal ken panangtingiting ti korte.
Innayon na nga ita paylaeng ket makitkitan no ania a klase ti istorya dagiti “18 maleta boys” tapno makaperdi da laeng.
Immuna iti daytoy, inbabawi ti 18 dati a bagmen ti alegasyon a nagdeliber da ti ado a maleta a napunno ti kwarta iti balay ni Sen. Loren Legarda.
